Framboðslistinn "minn" og helmingaskiptalisti þingflokksins og Nýs afls

Vegna ummæla formanns Frjálslynda flokksins á Rás 2 í gær um röðun fólks á framboðslista "minn" til miðstjórnar Frjálslynda flokksins, þá birti ég hann hér, ef einhver hefur áhuga...   Þessum framboðslista var dreift af mínu fólki á landsþinginu. Hann var annar tveggja lista sem ég vissi af.  Hinn listinn var helmingaskiptalisti forystu þingflokksins og Nýs afls, birtur hér neðar á síðunni.  Allir á "mínum" lista hafa verið skráðir í Frjálslynda flokkinn um langa hríð, nema Ragnheiður Fossdal, sem gekk í hann sl. haust.

Formaður flokksins nefndi í útvarpsviðtalinu að ég hefði m.a. sniðgengið eftirtalda flokksmenn, sem hefðu mjög mikla reynslu:  Pétur Bjarnason, Eyjólf Ármannsson, Óskar Þór Karlsson, Hönnu Birnu Jóhannsdóttur, Þorstein Árnason og Ernu Ingólfsdóttur. 

Svar mitt við því er að ég bauð Ernu reyndar fram í fjármálaráð og hún hlaut kosningu. Hanna Birna og Grétar Mar voru bæði hlynnt samstarfi við Nýtt afl og komu því ekki til greina.   Eyjólfur hefur unnið frábært starf fyrir Frjálslynda flokkinn eins aðrir sem hér eru nefndir, en ég gerði varla ráð fyrir að hann eða Óskar styddu mig nægjanlega til að vilja taka sæti í miðstjórn minni miðað við ýmislegt sem á undan var gengið.  Þorstein Árnason hefði ég sannarlega viljað hafa á lista okkar fólks. Mér datt bara ekki annað í hug en að formaðurinn hefði teflt honum fram fyrir sig, sínum allra dyggasta stuðningsmanni frá því flokkurinn varð til, að frátöldum Pétri Bjarnasyni sem er prýðismaður og félagi Guðjóns til áratuga. 

Ég hvet fyrrverandi og núverandi félaga í Frjálslynda flokknum til að íhuga hvert stefnir úr því fram var lagður helmingaskiptalisti Nýs afls og þingflokksins á þessu þingi.  Fæstir áttu von á því, enda var svar þingflokksins ávallt á þá leið að svona fámennur hópur gæti aldrei náð neinum undirtökum í flokknum...  - Ónei, ekki nema með fulltingi þingflokksins sjálfs!

 Listi Margrétar-fólks:

Varaformaður: Margrét Sverrisdóttir

Ritari: Sólborg Alda Pétursdóttir 

Fjármálaráð:

Formaður: Daníel Helgason 

Aðrir:  Sverrir Hermannsson, Eyþór Sigmundsson, Matthías Sveinsson, Erna V. Ingólfsdóttir

  Miðstjórn:  1. ATH Daníel Helgason SV-kjörd. (ef hann verður ekki kosinn formaður fjármálaráðs)

  2. Sigurlín Margrét Sigurðardóttir, varaþingmaður Garðabæ

  3. Svanur Sigurbjörnsson,  læknir, Mosfellsbæ

  4. Rannveig Þorvaldsdóttir,  kennari,  Ísafirði

  5. Ásta Þorleifsdóttir,  jarðverkfræðingur Rvk

  6. Egill Örn Jóhannesson,  kennari Rvk

  7. Auður Matthíasdóttir,  félagsráðgjafi Garðabæ

  8. Ingileif S. Kristjánsdóttir, doktor, Hveragerði

  9. Kristín Þórðardóttir, verkakona, Grindavík

10. Ásgeir Yngvason, prentari, Akureyri

11. Ragnheiður Fossdal, líffræðingur, Seltjarnarnesi

12. Margrét Óskarsdóttir, skólafulltrúi, Kópavogi

13. Baldvin Nielsen, bifreiðastjóri Reykjanesbæ

                         

Nöfn til vara í miðstjórn:

Jóhanna Guðmundsdóttir,  sölufulltrúi, Reykjanesbæ

Kristín Helgadóttir, kennari, Hafnarfirði

Eftirtaldir eru komnir inn í miðstjórn og þarf ekki að kjósa:

Ólafur F. Magnússon, borgarfulltrúi  Rvk S

Kjartan Eggertsson, skólastjóri Rvk N

Guðmundur Wiium, skógræktarbóndi NA

Pétur Guðmundsson, selaveiðimaður  SV

- - - - - - - - - - - - - - - - - - - - - - - - - - - - - - - - - - - - - - - - - - - - - -

Helmingaskiptalisti þingflokks og Nýs afls  

Formaður: Guðjón Arnar Kritjánsson

Varaformaður: Magnús Þór Hafsteinsson

Aðalmenn: 

1.  Ásgerður Jóna Flosadóttir (Nýtt afl)
2. Hanna Birna Jóhannsdóttir, Vestmannaeyjum (Frjálsl.)
3. Höskuldur Höskuldsson, Rvk (Nýtt afl)
4. Óskar Þór Karlsson, Reykjanesbæ, (Frjálsl.)
5. Pétur Bjarnason, Rvk (Frjálsl.)
6. Tryggvi Agnarsson, Rvk (Nýtt afl)

Varamenn:

1. Ásthildur Cesil Þórðardóttir (Frjálsl)
2. Eiríkur Stefánsson (Áróðursmeistari Nýs afls á Útvarpi Sögu)

3. Erna V. Ingólfsdóttir (Frjálsl..)

4. Grétar Mar Jónsson (Frjálsl. en ötull baráttumaður fyrir samstarfi við Nýtt afl)

5. Guðmundur Bergþórsson (Nýtt afl)

6. Guðrún Þóra Hjaltadóttir (Nýtt afl)

7. Hanna Þrúður Þórðardóttir (Frjálsl.)

8. Helgi Helgason (Frjálsl.)

9. Jónbjörg Þórsdóttir (Nýtt afl)

10. Ólafur Ögmundsson (Frjálsl.)

11. Valdimar Jóhannesson (Nýtt afl)

    

 

    

Athugasemdir

[Sveinn Hjörtur , 1.2.2007 kl. 01:35]

Sæl Margrét. Ég er nú barasta að hlusta á viðtalið akkúrat núna! Heyrist að formaðurinn sé að snúa þessu í það að landsbyggðarfólkið hafi valið það að fá Nýtt Afl og nýjan varaformann? Skrítin gagnárás! En....passaðu þig að vera ekki of lengi í þessari vitleysu. Hún er farin að skemma.

[A (IP-tala skráð) 1.2.2007 kl. 11:30]

Margrét, það er alveg ótrúlegt að heyra til þín, þú reynir eins og þú getur að hvítþvo sjálfa þig, ættir bara sjálf að skammast þín.
ég ætla vonast til þess að þú farir einnig að loka þverrifunni á þér, svona áður en þú ferð að koma með einhverja meira rugl og þvælu

Kveðja
A

[Inga (IP-tala skráð) 1.2.2007 kl. 12:50]

Bíddu, má hún ekki svara fyrir sig þegar formaður Frjálslyndra fer með rangt mál um hana í útvarpsviðtali? Svo eru þessir listar ekkert leyndarmál hélt ég, þetta er nokkuð borðleggjandi.
Margrét, vona að þú látir ekki þessa óvild og pirring draga af þér orku, ég bíð spennt eftir að heyra hvaða skref þú stígur næst!

[Svanur Sigurbjörnsson, 1.2.2007 kl. 13:09]

Það er nokkuð dæmigert kjaftháttinn í mönnum eins og Alvari Óskarssyni, sem truflaði framboðsræðu Margrétar á Landsþinginu með hávaða og framíkalli, eins og þessi A hér að ofan talar.  A fyrir Alvar?  Hvers vegna þorir A ekki að koma fram undir nafni?  Það er ótrúlegt að menn eins og A haldi að fólk taki mál þeirra trúanlegt þegar það einkennist af heift og dónaskap.  Það er ótrúlegra að menn eins og Guðjón Arnar skuli láta það líðast að slíkir menn (Eiríkur Stefánsson) skuli kosnir í miðstjórn flokksins en ýta Margréti út eins og ekkert sé.  Það er reyndar ekki ótrúlegt fyrir Magnús Þór.   Hann hefur sýnt að hann svífst einskis í sínu valdatafli.

[A (IP-tala skráð) 1.2.2007 kl. 15:27]

mér fannst nú alveg að ótrúlegt að sjá svipinn á þér herra Svanur Sigurbjörsson á landfundinum,
þú ert sjálfur með eindæmum falskur, ég er ekkert að vernda þess nýju afls menn, mér líkar ekkert sérstaklega við þá, en ég get gefið fólki annan séns, en það getur frú margrét engan veginn, allavega ekki fólkinu í nýju afli.

ég ræð því sjálfur hvort ég ákveð að koma fram undir nafni, ég gæti alveg logið hvaða nafni sem ég vildi hér, svo það skiptir engu máli hvað ég heiti, nema þið séuð að drepast úr forvitni hver ég er.
efast um að það skipti einhverju máli svo sem.

fer formaðurinn með rangt mál í útvarpsviðtali? ég veit ekki betur en hann hafi verið að svara þessari vitleysu sem hún sakaði hann um.

það hefur enginn ýtt Margréti út, afhverju segiru það? ákvað hún ekki sjálf að hætta? margir aðrir hafa tapað svona slag án þess að fara í einhverja í einhverja fílu eins og frú Margrét hefur gert.

Eiríkur hefur heldur engan atkvæðarétt í miðstjórninni, ja nema sumir hætta í henni sem voru kosnir eða mæta ekki!
en já það var dónaskapur hjá Alvari að öskra svona framm í.
og nei ég er ekki Alvar,

[Hildigunnur Rúnarsdóttir, 1.2.2007 kl. 18:44]

A, blessaður komdu nú fram undir nafni, hvort sem þú ert Alvar eða ekki, svona nafnlaust skítkast er með því dónalegra sem fyrirfinnst.

[Eyjólfur Ármannsson (IP-tala skráð) 1.2.2007 kl. 19:02]

Sæl Margrét.

Hér að ofan skrifar þú: 

"Eyjólfur hefur ............ en ég gerði varla ráð fyrir að hann eða Óskar styddu mig miðað við ýmislegt sem á undan var gengið." 

Ég skil ekki alveg afhverju þú gerðir ráð fyrir því að ég myndi ekki styðja þig.  

Þú spurðir mig í tölvupósti hvort ég myndi ekki styðja þig.  Svar mitt 17. jan. sl. var eftirfarandi:

Subject:	RE: Fréttatilkynning frá Margréti Sverrisdóttur
To:	"Margrét Sverrisdóttir" <[e-mail]>

YAHOO.Shortcuts.hasSensitiveText = false; YAHOO.Shortcuts.doUlt = false; YAHOO.Shortcuts.location = "us"; YAHOO.Shortcuts.lang = "us"; YAHOO.Shortcuts.annotationSet = { lw_1170355485_0: { text: '[e-mail]', weight: 1, type: ['shortcuts:/us/instance/identifier/email_address']}, lw_1170355485_1: { text: '[e-mail]', weight: 1, type: ['shortcuts:/us/instance/identifier/email_address']} }; YAHOO.Shortcuts.overlaySpaceId = "97546169"; YAHOO.Shortcuts.hostSpaceId = "97546168";

Sæl.

 

Jú, ég geri það.  Það væri mjög gott fyrir kosningarnar í vor að þú yrðir varaformaður.  Hugsa að þú vinnir slaginn auðveldlega.  Ekki bara láta kosningabaráttuna fara útúr böndunum.  Vonandi að þetta fari allt saman vel og þið getið öll unnið saman eftir landsþing.  Það er aðalatriðið.  Gangi þetta vel. 

 

Bestu kveðjur, Eyjólfur"

Í ljósi þessa er ég ekki alveg að botna í þessari fullyrðingu þinni.   

                                                                       Bestu kveðjur,

[Svanur Sigurbjörnsson, 1.2.2007 kl. 20:47]

Hvað áttu "A" með því að ég sé "með eindæmum falskur".  Þetta eru mjög stór og særandi orð.  Þekkir þú mig?   Hringdu í mig ef þú átt erfitt með að koma fram undir eigin nafni.

[A (IP-tala skráð) 1.2.2007 kl. 22:29]

ég skal draga þau orð mín tilbaka, kannski fullgróft af mér að segja það, en hins vegar mun ég ekki koma fram undir nafni, enda skiptir engu hvað ég heiti, en nei ég þekki þig ekki persónulega.
veit ekki heldur númerið þitt, ætli ég væri ekki búin að hringja ef mig langaði til þess.

En getið þið sagt mér afhverju þessir nýju afls menn eiga ekki skilið annað tækifæri eftir að þeir voru svona á móti okkur í síðustu kosningum? kannski munu það fólk vinna gott starf fyrir flokkinn og finnst bara allt í lagi að gefa því annan séns,

[Magnús Jónsson, 1.2.2007 kl. 23:40]

Hvernig á þessi hjörð að starfa saman sem heild ??? 

Í ljósi þess dónaskaps og skítkast sem ég les hér er engan veginn hægt að krossa við F

[Kristján Pétursson, 2.2.2007 kl. 00:12]

Hefur Óskráður (A) heyrt söguna af manninum,sem blaðraði sifellt bull og illmælgi um alla sem urðu á vegi hans.Maðurinn var óþolandi og var ítrekað sagt upp störfum.Hann réði sig á bóndabæ hjá gömlum manni,sem var heyrnarlaus.Hann blaðraði við gamla manninn,sem sífellt hristi höfuðið.Einu undirtektir sem hann fékk á bænum voru baulandi beljur.Hann fékk í sveitinni einhverja vitrun um að halda kjafti það sem eftir væri æfinnar.Þegar hann kom til borgarinnar undruðst menn hversu þögull hann var,hann sagði ekkert einasta orð.Sagan segir að hann hafi komið við í Byrginu og fengið þar  blessun Guðmundar.Er eitthvað í þessari sögu sem höfðar til þín?

[Páll (IP-tala skráð) 2.2.2007 kl. 11:19]

Sæl Margrét

Ég held að þú hafir gert rétt í því að fara úr flokknum. Þegar menn eins og Eiríkur Stefánsson eru komnir til áhrifa þar er ekki von á góðu. Ég er ekki viss um að menn viti hvern mann Eiríkur hefur að geyma. Þeir sem vilja kynna sér það ættu að lesa dóm Hæstaréttar nr.44/1999. Það er afar athyglisverð lesning.

[Benidikt (IP-tala skráð) 2.2.2007 kl. 12:06]

það eru naumast, kannski sumir ættu bara að fara slaka á.
sumir eru með eindæmum dónalegir

Kveðja
Benidikt

[X (IP-tala skráð) 3.2.2007 kl. 01:32]

 

Ja hérna!! Það er ekki hægt að sjá betur en þessi Eiríkur Stefánsson sé dæmdur kynferðisafbrotamaður.

http://www.haestirettur.is/domar?nr=320&leit=t

[Egill Óskarsson, 4.2.2007 kl. 23:18]

Algjörlega óviðkomandi athugasemd:

Benidikt, þegar menn ætla að skreyta sig með fölsuðum nöfnum þá er oftar en ekki góð leið að stafsetja þau rétt.

[Stefán Þór (IP-tala skráð) 5.2.2007 kl. 02:52]

Nýafstaðið landsþing og aðdragandi þess er eins og Steinunn Valdís Óskardsóttir sagði svo réttilega (í Blaðinu um daginn að mig minnir) skýr sönnun þess að konur eiga mjög langt í land í pólitík. Það sem mér finnst flottast hjá Margréti var að vera ekkert að taka þátt í sandkassaleiknum sem stundaður var að mikill elju og þrótti á Útvarpi Sögu. Svo er náttúrulega alveg út í hött að bjóða Nýju Afli inn í flokkinn á meðan enn er verið að halda fundi í nafni félagsins og baktala Margréti. Úr því að þessir félagsmenn í Nýju Afli voru skráðir í flokkinn af hverju létu þeir þá ekki í sér heyra á vetvangi flokksins. Það að Guðjón Arnar skuli ekki hafa staðið upp og talað gegn svona baktali á þáverandi framkvæmdastjóra flokksins lýsir því svo ekki verður um villst að uppsögn Margrétar var ekkert annað en karlaklíkubrölt þeirra félaga í þingflokknum til þess að koma Nýju Afli að. Flokkur sem sýnir svona kvennfyrirlitningu og getur ekki haldið utan um nokkra kjörkassa á ekkert skylt við nútíma lýðræði og við þetta getur samfæring mín ekki staðið.

Ég get síðan ekki trúað því að Guðjón Arnar hafi slíka heift í garð innflytjenda og Hafsteinn Þór Magnússon og Jón Magnússon hafa sýnt enda var Guðjón á góðri leið með að róa þetta aðeins niður á skynsemisplan. Og ekki dregur hann neitt í land hann Jón Magnússon í Silfur Egills í dag. Ó nei enda að mála Frjálslyndaflokkinn enn frekar út í horn eins og Jóhanna Sigurðardóttir benti réttilega á. Það vakna síðan með réttu eða röngu upp sú spurning hvort að Guðjón hafi verið beittur þrýstingi af þeim Magnúsi Þór og Sigurjóni um að leyfa Nýju Afli að fá að leika lausum hala inn bakdyrameginn inn í flokkinn. Mín spá er sú að þessi flokkur eigi eftir að deyja út.

[Benidikt (IP-tala skráð) 5.2.2007 kl. 10:22]

Herra Egill

ég heiti vissulega Benedikt, en ég kýs sjálfur að skrifa mig Benidikt og er það eitthvað bannað þó það sé rangt?
ég ræð því vissulega sjálfur hvað ég kýs að skrifa, einnig hef ég ætlað að breyta nafni mínu í Benidikt lengi.
kannski ég ætti að fara láta af því þegar maður hefur tíman til þess.