Spaugstofan laugardaginn 9. desember

Spaugstofuliðið spaugaði mjög skemmtilega með Frjálslynda flokkinn í þættinum í kvöld, laugardaginn 9. desember.  Sett var upp atriði sem var eins og í leikritinu ,,Gullna hliðið" eftir Davíð Stefánsson (Oft kallað ,,Sálin hans Jóns míns).  Þar er Guðjón Arnar eins og kerlingin hans Jóns að reyna að lauma syndugri sálinni hans Jóns Magnússonar (úr Nýju afli) inn í himnaríki, en ég er í hlutverki Lykla-Péturs/ Sankti Péturs og kölluð Heilög Margrét - og vil ekki sjá Jón. Svo kemur pabbi til sögunnar í gervi andskotans og flytur magnaðan kveðskap um afl-leysi Nýs afls, enda er hann þekktur fyrir mergjað málfar.  Þetta var bráðskemmtilegt 

Sjón er sögu ríkari og hér er tengill á þáttinn (pottþétt þjónusta hjá Ríkisútvarpinu)

http://dagskra.ruv.is/streaming/sjonvarpid/?last=2164

 

Athugasemdir

[Sigurjón, 10.12.2006 kl. 02:04]

Alveg sammála síðustu ræðumönnum.  Þetta var líklega bezti þátturinn sem ég hef séð með þeim á þessu ári.  Ekki fannst mér síðri ádeila þeirra á samfylkinguna.

[Ólafur fannberg, 11.12.2006 kl. 08:05]

sammála öllum að ofan

[Ragnhildur (IP-tala skráð) 11.12.2006 kl. 12:13]

Ég missti af Spaugstofunni á laugardag. Góður vinur minn sagði mér frá þessu á sunnudag og sagði að hægt hefði verið að ruglast á Pálma og pabba, hann hefði náð honum svo vel. Svo sé ég þetta á netinu og þá er Pálmi skrattinn sjálfur, með horn og hala! Jamm, svona er að eiga góða vini ;)