Kastljós í kvöld

Sigurlín Margrét, varaþingmaður og frambjóðandi Íslandshreyfingarinnar í Reykjavík, stóð sig frábærlega vel í beinni útsendingu í Kastljósinu í kvöld.  Við vorum báðar mættar, nöfnurnar, hún til að ræða félagsmál og ég menntamál.

Sigurlín var sérlega ákveðin og fumlaus í svörum, með aðstoð raddtúlks.  Jákvæðast var að ekki var einu sinni nefnt að þarna væri komin heyrnarlaus kona að tjá sig með aðstoð túlks, það var sjálfsagt og eðlilegt - og þarna hefur Sigurlín rutt brautina sjálf.  Hún  hefur verið mjög ötul baráttukona fyrir bættum hag öryrkja og ekki síst heyrnarlausra. 

Munið að kíkja heimasíðu Íslandshreyfingarinnar:  www.islandshreyfingin.is

 

Athugasemdir

[Georg Eiður Arnarson, 24.4.2007 kl. 22:54]

Það var bara gaman að sjá þig og Magnús sitja saman( ég held samt að þið hafið ekki haldist í hendur)

[Bryndís Snæbjörnsdóttir (IP-tala skráð) 25.4.2007 kl. 12:18]

Það var samt athyglisvert að sjá hversu mikið var til kostað við túlkun fyrir SMS á meðan heyrnarlausir heima í stofu gátu ekki séð túlkana. Undarlegt lýðræði þetta hjá ríkisfjölmiðilnum!

[Paul Nikolov, 25.4.2007 kl. 19:51]

Ég endurtek hvað Georg sagði, og bætta við að þú stóðst þig mjög vel.

[Margrét Sverrisdóttir, 29.4.2007 kl. 11:01]

Ég tek undir orð Bryndísar Snæbjörns, að það er nöturlegt að túlkar skuli ekki vera sýndir þegar þeir eru að túlka hvort eð er.  Það ætti að vera skylda að hafa táknmálstúlkun á helstu pólitískum þáttum.