Lýðræði í þágu þjóðar?

Þegar þetta er skrifað er búið að telja öll atkvæði í íbúakosningu í Hafnarfirði um hvort stækka skuli álverið í Straumsvík.  Úrslitin eru ekki afgerandi, kjósendur skiptast í tvo nánast jafnstóra hópa. 6382  eru á  móti stækkun en  6294 eru fylgjandi stækkun.   Það munar innan við hundrað atkvæðum á milli fylkinga.

Tæplega 13.000 manns greiddu atkvæði um þetta mál sem varðar alla þjóðina. 

Við í Íslandshreyfingunni teljum, að mál sem varða alla þjóðina, eigi ekki að afgreiða á sveitarstjórnarstiginu einu.  Það varðar ekki bara eitt sveitarfélag hvort stærsta álver í Evrópu rís þar eða ekki.  Það varðar alla þjóðina.

 

Athugasemdir

[Georg Eiður Arnarson, 31.3.2007 kl. 23:03]

Sæl Sjávarperla, hvenær fáum við að sjá framboðslistan í suðurkjördæmi.

[Lára Stefánsdóttir, 1.4.2007 kl. 01:29]

Ég er sammála þér Margrét það á ekki að leggja það á eitt sveitarfélag að taka jafn afdrifaríka ákvörðun. Við þurfum að móta stefnu í umhverfismálum þar sem tekin er afstaða til þess hvernig við viljum haga þessum málum.

[Guðmundur H. Bragason, 1.4.2007 kl. 02:00]

Þessi niðurstaða mun eingöngu flýta Álverinu við Helguvík og jafnvel á Húsavík líka.

[Eyþór (IP-tala skráð) 1.4.2007 kl. 02:02]

Margrét ég held að þið í þínum nýja flokki ættuð að halda plássi fyrir Lúðvík Geirsson(þar sem að hann er best geymdur)

[Jobbi (IP-tala skráð) 1.4.2007 kl. 08:15]

Er þetta lýðræði þegar helmingur hafnfirðinga er á móti, ég bara spyr. í svona kosningum þyrftu úrslitin að vera afgerandi, ef þetta er niðurstaðan á landsvísu er þjóðin klofinn í tvennt í þessar stóriðjustefnu jafn stórar fykingar. Verður ekki kosið um það á landsvísu eftir tæpa tvo mánuði hvort við viljum áframhaldandi stóriðjustefnu eður ei. þjóðin á valið

[Þórður Ingi Bjarnason, 1.4.2007 kl. 13:20]

Það er lýðræði að Hafnfirðingar fái að kjósa um þessi mál.  Það hefði verið betra ef meiri munur hefði verið í lokinn en við sem ekki vildu stærra álver sigruðum og erum búinn að seinka því að þetta deiliskipulag fari í gegn.  Nú þarf að passa að ef ný stjórn tekur við bænum eftir 3.ár að hún taki þetta ekki upp og samþ þessa stækkun.

[Ólafur Ragnarsson, 1.4.2007 kl. 15:34]

Sæl Margrét.

Mig sem flokksmanni í Frjálslyndaflokknum og var á flokksþingi þeirra langar að spyrja þig,ef það er satt sem ég hef heyrt fleygt að þú hafir í viðtali á Rás 2 verið búinn að ákveða þig að ganga úr flokknum ef þú næðir ekki kosningu?Hvað segir það um lýðræði í flokknum.Ég gef þá lítið í lýðræðið í þessum nýja flokki ef allir sem verða undir í lýðræðislegum kosningum rjúka í fússi ef þeir ná ekki kjöri.Flokksmenn nýja flokksins eiga von á góðu ef þú færð ekki þau völd sem þú villt og kosið er um í lýðræðislegum kosningum.Þú átt sennilega afgang af merkjunum X Margrét sem deilt var út á Flokksþingi Frjálslyndra þau eiga kannske eftir að koma að notum aftur og þá í nýju hreyfingunni

[Helgi Jóhann Hauksson, 3.4.2007 kl. 13:50]

Ber mikla virðingu fyrir þér Margrét og því sem þú stendur fyrir, en hér er rökvilla á ferð, því Hafnfirðingar voru bara að greiða atkvæði hvort þeir vildu þetta álver á sinni lóð.
Auðvitað getur það svo farð yfir í næsta hrepp eg Hafnfirðingar hafa engin bein áhrif á það enda ekki þeirra bakgarður. - Það er auvðitað á landsmálasviðnu sem heildar stefnan er mótuð, en Hafnfriðingar sem vildu ekki stækkað álver á sinn blett gætu allt eins stutt álver í bakgarði annarra og eins gætu þeir sem eru á móti orku- og storiðjuvæðingunni sagt sem svo að ef á annað borð á að nota orku í álbræðslu þá hef ég ekki á móti því að hún komi í mitt bæjarfélag.

Svo er annað að ef það er ekki Hafnfirðinga að svara þessari spurningu fyrir sitt leiti því málið sé stærra og þú nefnir stærsta álver Evrópu - ætti þá ekki öll Evrópa að segja til um það? Eru ekki verðmæti jarðar okkar allra?