Fjölmiðlaframboð

Það er orðið þannig, að fjölmiðlarnir stýra kosningabaráttunni.  Nú er hafin hringferð Stöðvar 2 um kjördæmi landsins.  Fyrsta beina útsendingin var frá Stykkishólmi í kvöld.  Stjórnendur sögðu okkur í Íslandshreyfingunni að við fengjum að vera með ef við værum búin að tilnefna fulltrúa fyrir hádegi í dag.  Við gerðum það.  Helga Jónsdóttir, vélsmiður frá Akranesi, ætlaði að vera okkar fulltrúi í Norðvesturkjördæmi í umræðunum og því var brunað alla leið til Stykkishólms. 

Þegar þangað kom var okkur sagt að við fengjum ekki að taka þátt af því reglurnar hefðu verið þannig í fyrra að enginn fékk að taka þátt nema vera búinn að kynna lista í kjördæminu.  Þeir hefðu mátt vita það umsjónarmennirnir þegar þeir sögðu fyrir hádegi sama dag að við yrðum með.  En þá vissu þeir reyndar ekki að Frjálslyndir og VG yrðu æfir þegar þeir fréttu að okkur yrði hleypt að.

Það þarf ekki að tilkynna um framboð fyrr en eftir mánuð skv. kosningalögum.  En fjölmiðarnir eru farnir af stað.  Það eru 5 dagar síðan við kynntum okkar framboð og listar verða ekki kynntir fyrr en eftir páska.  Þá verðum við búin að missa af þessari fjölmiðlalest.

Svo gera fjölmiðlar umræðuna óheyrilega leiðinlega með sínum úrelta hanaslags-stíl.  Á okkar vegum var mætt ung kona sem lætur sér fátt fyrir brjósti brenna - hún er vélsmiður og eina konan í slökkviliði Akraness - en það er ekki öfundsvert að mæta í sjónvarp í svona þátt.  Hversu margir skyldu hafa skipt um stöð?  Þessi dagskrárgerð er úrelt og það væri forvitnilegt ef stjórnendur sjónvarpsstöðvarinnar mældu áhorf á svona þætti.  Þeir geta gert það um leið og þeir mæla fylgi við flokkana, sem virðist gert daglega.

 

Athugasemdir

[Lárus Vilhjálmsson, 28.3.2007 kl. 23:53]

Sammála, þetta var alveg hrikalega leiðinlegur þáttur. Helga hefði örugglega lífgað upp á hann.

[Bragi Einarsson, 29.3.2007 kl. 08:28]

fyrir utan að vera leiðinlegur, var hann líka tæknilega hörmung! Hljóðið allt í fokki og lýsing eins og á miðöldum. Ég held að fulltrúi ykkar megi bara þakka fyrir að haf sloppið! Ef það má orða það svo. En þið verðið væntanlega klár á Akureyri?

[Auður (IP-tala skráð) 29.3.2007 kl. 11:30]

Óskaplega eru þessir menn klaufalegir.  En sýnir þetta ekki ágætlega hve hræddir VG og Frjálslyndir eru við Íslandshreyfinguna!  Ekki ástæðulaus ótti virðist mér.  Fólk tekur vel á móti þessu nýja stjórnmálaafli enda einmitt það sem vantaði.  Kær kveðja.

[Svanur Sigurbjörnsson, 29.3.2007 kl. 11:37]

Tillitsleysi.  Íslandshreyfingin - lifandi land,  er starfandi stjórnmálaflokkur þó nýr sé og vilji Stöð 2 gæta jafnræðis ættu þeir að sjá siðferðislega skyldu sína í að hleypa að fulltrúa flokksins að.   Það er ekki þeirrað ákveða hvernig eða hvern flokkurinn sendir í umræðuþátt.  Séu önnur ný framboð í svipaðri stöðu of Íslandshreyfingin, á að hleypa þeim að líka.  Á að vorkenna Stöð 2 yfir því að framboðin séu of mörg?  Nei, í lýðræðisríki geta komið upp fjöldinn allur af framboðum og fjölmiðlar verða bara að aðlagast, ellegar fá þá gagnrýni á sig að vera vilhallir.

[Sverrir Einarsson, 29.3.2007 kl. 11:45]

Æ þetta var svo ofboðslega yfirborðskendur þáttur og fyrirsjanlegur hvert hann stefndi eftir smá áhorf.

Það þorði enginn að vera á móti og auðvitað var fyrsta "umræðuefnið" samgöngumál þar sem allir voru svo ægilega sammála eitthvað um lausnir....afhverju gerðu sjallarnir og frammararnir ekki neitt...þeir hafa jú verið við völd......á að trúa þeim um að þeir fari og geri "allt" strax...en bara ekki fyrr en einhverntíma í nánustu framtíð sko....bla bla bla.

Gangi ykkur vel Margrét og meðan ég man ég skulda þér víst enn kók og prins síðan í kosningunum í vor....kem með það þegar ég kem við á kosningarskrifstofunni ....hvar sem hún  nú annars er hér í Reykjavík.

[Bjarni Kjartansson, 29.3.2007 kl. 13:06]

Margrét mín, það var svosem ágætt, að þið þyrftuð ekki að taka þátt í þessari útsendingu.  Jón VG kláraði afveg málstað allra ,,grænna" manna þarna.  Hann var kjaftstopp um hvað skyldi til bragðs taka í atvinnumálum svæðisins.

Tafsaði um túrisma (3ja mánaða vinna ef vel viðrarí það minnsta heima við Djúp)  lálaunastörf og stopul , kosnaðarsöm í startinu og ekki við lund minna frænda, að þjóna dutlungafullu liði fyrir skoplega lítið fé.

Mitt fólk vill geta ýtt úr vör og stundað sín mið og engvar refjar. 

Miðbæjaríhaldið

(fyrrum Vestfjarðaríhald með honum Matta sínum og Einari Oddi)

[Hallgrímur Óli Helgason, 29.3.2007 kl. 22:00]

sammála, hætti að horfa eftir korter, gangi ykkur vel Margrét

Halli