Jákvætt fólk á förnum vegi

Ég tók eigin Þjóðarpúls í dag.  Fyrst þurfti ég að fara á bensínstöð til að fylla bílinn af bensíni og svo átti ég erindi í bankann.  Á báðum stöðum vildi fólk heilsa upp á mig og óska mér alls góðs í baráttunni framundan.  Það er ómetanlegt að finna svona stuðning og ég þakka fyrir allar góðar kveðjur. Ég tek sérstaklega mikið mark á fólki á förnum vegi og reyni að hlusta á það sem það hefur að segja.  Ef manninum við bensíndæluna liggur eitthvað á hjarta, þá má gera ráð fyrir að það brenni á fleirum.

Þetta var annasamur dagur eins og flestir um þessar mundir, hófst á fundi í Velferðarráði kl. 9 og svo var fundur í Menntaráði frá kl. 10-12 og Forsætisnefnd kl. 13:30-14.  Svo vann ég að framboðsmálunum þar til rétt í þessu. 

Snemma í fyrramálið fer ég til London og kem aftur síðla á miðvikudagskvöld.  Geri ekki ráð fyrir bloggfærslum að utan, það er svo seinlegt á flestum hótelum..

 

 

Athugasemdir

[Jóhann Páll Símonarson (IP-tala skráð) 5.3.2007 kl. 22:49]

Heil og sæl Margrét Sverrisdóttir.

Því miður finnst mér þetta framboð ekki boða neitt sem skiptir máli fyrir utan þeir sem eru að berjast með þér í þessari baráttu eru menn úr öllum flokkum sem komast ekki að með sínar skoðanir og eru öfgamenn í sinni skoðun það fer ekki á milli mála.

Enda stendur Sjálfstæðisflokkurinn framar  öllum flokkum í málum hvort það sé í umhverfismálum eða annað enda veit þjóðin það mæta vel enda er eftir okkur tekið víða um heim.

Þú er ekki á réttri braut Margrétt hættu þessari vitleysu og komdu aftur heim þar átt þú heima enda eru fædd inn í Sjálfstæðissflokkin og þar áttu heima 4 ár eru ekki löng bið.

Ég mun bíða og sjá hvort þessi draumur sem mig dreymdi verður að veruleika það mun tíminn leiða í ljós.

Með bestu kveðju.

Jóhann Páll Símonarson.

[Georg Eiður Arnarson, 5.3.2007 kl. 22:58]

Margrét þyðir sjávar perla á latínu vissirðu það?kv. Gea.

[Hlynur Jón Michelsen, 6.3.2007 kl. 00:58]

Það er gott að heilbrigt fólk skuli nú geta stutt umhverfisinna án þess að vera bendlað við kommúnista og feminesta.

 
Gangi ykkur vel.

[Zóphonías, 6.3.2007 kl. 16:40]

Baráttukveðjur gott að vita af miðusinnaðri konu sem gefur okkur annan valkost í vor

[Ísdrottningin, 6.3.2007 kl. 19:02]

Takk fyrir síðast Margrét og góða ferð til Bretlands.

[klakinn (IP-tala skráð) 6.3.2007 kl. 20:19]

Já það eru fleiri sem bíða eftir þér í framboði í vor, ég er einn af þeim.