Varaformaður gerir lítið úr eigin flokki

Ég mætti Magnúsi Þór í Kastljósinu í gær. Mér þótti margt undarlegt í málflutningi hans, en furðulegast var þó að heyra núverandi varaformann Frjálslynda flokksins lýsa því fjálglega hversu slökum árangri flokkurinn hefði náð. Auðvitað varpaði hann ábyrgðinni af slöku gengi yfir á mig. Varaformaðurinn var greinilega ekkert sáttur við rúmlega 10% fylgi flokksins í borgarstjórnarkosningum, sem er besti árangur sem flokkurinn hefur náð, því það eina sem hann hafði um það að segja var eitthvað á þá leið að „þið brennduð af í dauðafæri” og var þar að vísa til myndunar meirihluta í borginni.  Þessi „þið” sem hann vísar til eru sjálfsagt ég og Ólafur F. Magnússon, ásamt restinni af borgarstjórnarflokknum.  ,,Við" í munni Magnúsar er alltaf þingflokkurinn. Heldur eru þetta nú kaldar kveðjur frá núverandi varaformanni.

Honum finnst hins vegar sæmandi að hreykja sér af eigin árangri á Akranesi, þar sem 300 atkvæði þar eru að hans mati betri árangur  en 6500 atkvæði í Reykjavík og reyndar var það Karen Jónsdóttir sem leiddi listann á Skaganum.

Greinilega hafa margir fylgst með viðureign okkar Magnúsar í Kastljósinu í gær. Þeirra á meðal eru Klakinn (www.klaki.blogspot.com)  og Stefán Friðrik Stefánsson (www.stebbifr.blog.is) 

Fólk í öðrum flokkum hefur líka skoðanir á átökunum í Frjálslynda flokknum, þeirra á meðal Ásta Möller (www.astamoller.is)

Ég finn mikinn stuðning flokksfólks við framboð mitt. Margir hafa skráð sig í flokkinn undanfarna daga. Flestir fylla út eyðublað sem ég sé um að koma á skrifstofu flokksins, aðrir skrá sig á heimasíðu Frjálslynda flokksins www.xf.is

Hægt er að hringja á kosningaskrifstofu mína í s. 517-6996.

Athugasemdir

[Einar (IP-tala skráð) 24.1.2007 kl. 19:32]

Á Akranes voru greidd 3391 atkvæði, og fengu frjálslyndir 317 (tæp 10%) af þeim og einn mann (konu) í bæjarstjórn, í Reykjavík voru greidd 66040 atkvæði og fengu frjálslyndir 6527 (tæp 10%) af þeim og einn borgarfulltrúa, þannig að í atkvæðum og kjörnum fulltrúum séð er árangurinn hinn sami, munurinn liggur í því að á Akranesi er þessi eini fulltrúi í meirihlutasamstarfi við íhaldið, en því er ekki þannig farið í borginni, þannig að það er vel hægt að segja að frjálslyndir á skaga hafi náð betri árangri en í Reykjavík....

[Egill Óskarsson, 24.1.2007 kl. 20:39]

Ég ætla nú rétt að vona að Stebbi vinur minn sé ennþá 'Fólk í öðrum flokkum'

[Sæmundur T Halldórsson (IP-tala skráð) 24.1.2007 kl. 22:14]

Gera lítið úr

Mér þykir það miður að fólk skuli koma með níð án þess að gera fulla grein fyrir sér, Sama hvort varaformanns efnið það aðhyllist. Það getur ekki verið flokknum til framdráttar í komandi alþingiskosningum ef svona deilur eru háværari en þau málefni sem flokkurinn stendur fyrir. Ég vil bara að fólk skoði verk þessarra tveggja frambjóðanda og geri upp hug sinn samkvæmt þeim en ekki hvort viðkomandi er karl eða kona. Að kjósa eftir kyni er ekki til framfara. Flokkurinn hefur sinnt jafnrétti ágætlega að mínu mati. Flokkurinn hefur verið að bæta við sig fylgi jafn og þétt undir stjórn þeirra Guðjóns og Magnúsar og tel ég það eitt og sér næg ástæða til að gera ekki breitingar þar á.

Sæmundur T Halldórsson

[Thorhallur (IP-tala skráð) 24.1.2007 kl. 23:17]

Það er í raun skelfilegt að vera síklagandi og níðandi varaformann flokksins.  Það er ekki hægt að taka svona fólk til fyrirmyndar og telja það vel til forystu fallið!  Því miður!

[Jón (IP-tala skráð) 25.1.2007 kl. 09:30]

Ég held að frjálslyndir ættu ekki að hreykja sér mikið af meirhlutanum á Akranesi. Bæjarfulltrúi frjálslyndaflokksins hefur ekki sagt orð síðan hún var körin bæjarfulltrúi. Magnús er allt í einu orðinn formaður félagsmálaráðs sem hann sinnir ekki. En frægastur var hann þó fyrir grein sína " sannfæring til sölu kostar eina tölu" en daginn eftir var hann búinn að eta allt ofan í sig sem hann segir í þeirri grein. Meirihlutinn á Akranesi er orðinn einn allsherjar brandari.

[Svanur (IP-tala skráð) 25.1.2007 kl. 10:30]

Magnús Þór Hafsteinsson kom fram í Kastljósi sem sorgleg mynd karlmanns sem á mjög erfitt með að taka á sig þá ábyrgð að vera í liði.  Tekur eiginhagsmuns sína fram yfir sátt í flokknum.  Ég kaus Frjálslynda flokkinn í síðustu alþingiskosningum og það er alveg ljóst að ef að Magnús Þór vinnur sæti varaformanns um komandi helgi mun ég ALLS EKKI kjósa flokkinn.  Maðurinn kemur mér fyrir sjónir sem karllægur rasisti sem talar í innantómum fyrirsögnum og uppblæstri um eigið ágæti.  Margrét Sverrisdóttir er langframbærilegasti MAÐURINN í Frjálslynda flokknum, undir henni er framtíð þess flokks falinn!

Karlmaður á Snæfellsnesi.

[Heimir Lárusson Fjeldsted, 25.1.2007 kl. 11:56]

Lesið blogg mitt "varaformaður, vegabréf og viskípeli" sem og "auglýsingu frá Sjálfstæðisflokki".

[Svanur Sigurbjörnsson, 25.1.2007 kl. 12:20]

Þessi árás Magnúsar á forystu borgarmálaflokks Frjálslyndra var óhæfa.  Ég gef mitt álit á blogginu mínu.  Margrét stóð sig frábærlega í umræddu viðtali.

[Sæmundur T Halldórsson (IP-tala skráð) 25.1.2007 kl. 13:11]

Að ætla ekki að kjósa FLOKK út af einum manni þvílík vitleysa,  Magnús er bara einn maður ÞAÐ ERU FLEIRI í flokknum, það verður að tryggja lýðræðið, hvort Margrét eða Magnús vinnur skiftir engu um það hvað ég kýs í alþingiskosningunum sem fram undan eru.  Það er fólk á bakvið hvern mann og ef menn í formennsku hlusta ekki á þetta fólk eru þeir sjálf hættir. Þetta er spurning um hvað fólk er viljugt til verka.