Hver er maðurinn?

Flokksystkin mín í Frjálslynda flokknum hafa mörg haft samband við mig og velt fyrir sér hvers vegna Frjálslyndi flokkurinn átti ekki talsmann í Silfri Egils á sunnudaginn.  Í þættinum var meðal annars fjallað um góða útkomu Frjálslynda flokksins í nýrri skoðanakönnun. Einn viðmælenda Egils, Höskuldur Höskuldsson, gerði þetta góða fylgi að sínu og sagðist „afskaplega hamingjusamur með niðurstöðuna í þessari skoðanakönnun varðandi okkur frjálslynda og hvernig fylgið okkar virðist halda sér.”

Hver er þessi Höskuldur, sem þarna tjáði sig allt í einu í nafni Frjálslynda flokksins? Margir furðuðu sig á þessu og ekki minnkaði undrunin þegar á skjáinn kom nafn mannsins og undir því stóð: Varaformaður Nýs afls!Var Höskuldur sem sagt þarna sem talsmaður Nýs afls? Er Nýtt afl þá enn til sem stjórnmálaflokkur? Ef svo er, hvers vegna er varaformaður Nýs afls þá líka að tjá sig sem talsmaður Frjálslynda flokksins?

Efast nokkur um að félagar í Nýju afli ætla að reyna að ná undirtökunum í Frjálslynda flokknum? Þessi uppákoma í Silfri Egils sýnir, að þeir einstaklingar, sem gengu til liðs við Frjálslynda flokksins á haustdögum, líta samt sem áður svo á að þeir tilheyri öðrum flokki.

Athugasemdir

[Benidikt (IP-tala skráð) 22.1.2007 kl. 23:48]

Já, það voru mistök hjá þeim á 365 miðlum, þekki 2 sem vinna þarna og einn þeirra kemur að silfri egils og þetta voru mistök sem áttu sér stað, (mistök og ekki mistök)ætli þeir vilji ekki fá einhverja
æsifréttamennsku eins og alltaf, þú veist hvernig fjölmiðlar eru Margrét.

kveðja
Benidikt

[Árni Gunnarsson (IP-tala skráð) 23.1.2007 kl. 09:22]

Hefur þetta ekkert lagast hjá þér Margrét mín? Við, gömlu félagar þínir héldum að þú hefðir farið til K.hafnar að leita þér lækninga við þesum ótta við Nýtt afl. það er auðvitað ekkert grín að takast á viðsvona vandamál. Hann Hjörsi heitinn á Gilsbakka var ægilega hræddur við mýs. Einn góður nágranni ráðlagði honum að draga andann djúpt og þylja svo: "mýs eru geðugustu grey", meðan honum entist örendið! Þetta átti hann að endurtaka a.m.k. tuttugu sinnum á dag. Hjörsi vildi náttúrlega allt til vinna að losna við þennan hnút úr sálinni og brá á þetta ráð. Og viti menn; þetta svínvirkaði! Það skaðaði þig nú ekkert þó þú prófaðir þetta svosem í einn dag. Ég viðurkenni að þessir menn frá Nýju afli eru ekki beinlínis aðlaðandi í útliti en það er nú ekki alltaf að marka svoleiðis. Mér er sagt að þeir venjist með tímanum.

[Inga (IP-tala skráð) 23.1.2007 kl. 10:49]

Þetta kom allt saman mjög undarlega út. Ef maðurinn var sendur af Guðjóni og /eða Magnúsi í þáttinn, hefðu þeir þá ekki átt að gera athugasemdir við það að hann væri ekki titlaður sem fulltrúi flokks þeirra? Hefði hann sjálfur ekki átt að gera athugasemdir við það eftir þáttinn? Ég man samt ekki til þess að hafa heyrt leiðréttingu í fréttum Stöðvar 2 þetta sama kvöld, en kannski missti ég bara af því. 

En ef Egill Helgason hafði sérstaklega samband við téðan Höskuld og vildi sumsé fá varaformann Nýs afls (hvort sem það er til eða ekki) sem viðmælanda í þáttinn, þá hefði hann vitaskuld átt að fá annan viðmælanda sem fulltrúa Frjálslynda flokksins, því það er jú ekkert samasemmerki milli Nýs afls og Frjálslynda flokksins...eða hvað?

[áslaug, 23.1.2007 kl. 15:38]

Ekki er ég viss um að Egill Helgason hafi verið að hóa saman sérstökum fulltrúum stjórnmálaflokka þarna við borðið. Það er honum auðvitað í sjálfsvald sett hverja hann fær í þáttinn. Þá er svo að skilja að Nýtt afl hafi verið lagt niður sem flokkur eða pólitískt félag. Þar með er ekki sagt að það geti ekki starfað áfram í einhverri mynd, ss. kjaftaklúbbur.

[G.Helga Ingadóttir, 23.1.2007 kl. 21:58]

Mér fannst skandall að heyra í honum Magnúsi Þór, hvað hann var lítið Dipló í Kastljósinu í kvöld. Ég vona bara að þú rúllir honum upp og fáir annað sætið í flokknum.